د کابل په لویدیځ کې چاودنه؛ د مقاومت جبهه: د وحشیانه او خونړیو بریدونو تر شا د طالبانو لاس دی

د افغانستان د ملي مقاومت جبهې د کابل په لویدیځ دشت برچي د پرونۍ چاودنې په غبرګون کښې د دغو وحشیانه او خونړیو بریدو تر شا د طالبانو لاس وباله. نن یکشنبه (د جدي ۱۷مه) د مقاومت جبهې د «X» په ټولنیزه پاڼه کې لیکلي چې طالبان په تېرو درېیو لسیزو کې د افغانستان د خلکو پر وړاندې د «تاوتریخوالی، وژنو او ځانمرګو او تروریستي بریدونو اصلي عاملین وو او دي. ” دغې جبهې د کابل په لوېديځ کې د دشت برچي د پرونۍ چاودنې او د کابل په لوېديځ کې پر هزاره ګانو بريد وغانده. د مقاومت جبهې زیاته کړه دغه خونړۍ پیښه د ظلم ښودنه کوی او د افغانستان له شیعه ټولنې او هزاره ګانو سره په ټکر کښې ده.