طالبانو په استانبول کې د افغانستان قونسل جنرال له دندې ګوښه کړ

د معمار پرس د خبر له مخې؛ د باخبرو سرچینو د معلوماتو له مخې، طالبانو په استانبول کې د افغانستان قونسل محمد امین یعقوبي له دندې ګوښه کړی او خپل دیپلومات مفتي محمد عظیم یې د نوي قونسلګرۍ په توګه ټاکلی دی. يعقوبي دغه ګمارنه رد کړه او ويې ويل، چې اوس لا هم قونسل جنرال دى. طالبانو په کابل کې د ترکیې سفارت او د دغه هېواد د بهرنیو چارو وزارت ته هم یو لیک استولی چې د قونسلګرۍ چارې دې د دې ډلې ټاکل شوي ډیپلوماټ ته وسپاري. ترکیه د طالبانو حکومت په رسمیت نه پېژني، خو دې ډلې ته یې اجازه ورکړې چې په انکارا کې د افغانستان سفارت او په استانبول کې د دغه هېواد قونسلګرۍ تر خپل کنټرول لاندې راولي.