ناصر کنعاني: د ایران او افغانستان اړیکې یو له بل سره تړلې او نه بېلېدونکې دي

د معمار پرس د خبر له مخې؛ د ایران د بهرنیو چارو د وزارت ویاند وویل چې د ایران او افغانستان اړیکې یو له بل سره تړلي او نه بېلېدونکي دي. ایران تل هڅه کړې چې د افغانستان د ثبات، سولې، پرمختګ او اقتصادي هوساینې په برخه کې خپل اغېزمن رول ولوبوي. ده همداراز وویل چې د افغانستان د بهرنیو چارو سرپرست وزیر امیرخان متقی د فلسطین په اړه د تهران په نړیوال کنفرانس کې د ګډون لپاره ایران ته سفر کړی او په دې برخه کې یې د ایران د بهرنیو چارو له وزیر امیر عبداللهیان سره د دواړو هېوادونو د ګډو ګټو په اړه دوه اړخیزې خبرې کړې دی. هغه دا هم وویل چې د اوبو د مسلې په اړه د ایران او افغانستان خبرې روانې دي او د ایران تعقیب هم روان دی.