مولوي حنفي: نوی نسل باید په اسلامي عقایدو او عصري علومو وروزل شي

د معمار پرس د خبر له مخې؛ د طالبانو د ډلې اداري مرستیال مولوي عبدالسلام حنفي دغه څرګندونې په کابل کې د ریاض العلوم ټولنې د لنګوټه تړل په مراسمو کې وکړې چی د طالبانو اسلامي امارت هڅه کوي چې د ښوونځیو او دیني مدارسو ترمنځ واټن له منځه یوسي. هغه زیاته کړه، نوی نسل باید د اسلامي عقایدو او افکارو په درلودلو سره عصري علوم هم زده کړي. حنفي وويل، چې تعلیم یافته وګړي د هېواد د بچيانو د روزنې او د خلکو د ذهنونو د روښانه کولو په برخه کې جدي مسووليتونه لري. هغه همدا راز زیاته کړه چې د اسلامي ارزښتونو ساتنه او د وطن رغونه او پرمختګ د دې خاورې د ځوانانو دنده ده.