د طالبانو د کډوالو او راستنیدونکو چارو وزارت د مهاجرینو موقتي کمپونه په دایمي کمپونو د بدلولو غوښتنه وکړه

د معمار پرس د خبر له مخې؛ د طالبانو د کډوالو او راستنیدونکو چارو وزارت سرپرست خلیل الرحمن حقاني په افغانستان کې د اروپايي ټولنې له شارژدافیر رافایلا ایودیس سره د نړیوالو مرستندویه ادارو څخه وغوښتل چې د مهاجرینو لنډمهاله کمپونه په “اوږدمهاله استوګنځایونو” بدل کړي. د طالبانو د کډوالو او راستنیدونکو چارو وزارت مطبوعاتي دفتر نن (سه شنبه د قوس ۱۴مه) د یوې خبرپاڼې په خپرولو سره ویلي چې په افغانستان کې د اروپايي ټولنې د چارو شارژدافې رافایلا ایودیس او د یو شمېر بنسټونو له استازو سره له خلیل الرحمن حقاني سره یې په تورخم سیمه کې وکتل. د کډوالو چارو وزارت سرپرست خلیل الرحمن حقاني ویلي، چې د کډوالو خدمت کول زموږ انساني، اسلامي او افغاني مسوولیت دی.