طالبان په افغانستان کې ټي ټي پي سره تعلق لرونکې ډله نيولې دي

د معمار پرس د خبر له مخې؛ په افغانستان کې طالبانو د تحریک طالبان پاکستان (TTP) سره د تړلې ډلې غړي نیولي او بندیان کړي دي. خراسان دیري، پاکستاني رسنۍ چې د خیبر پښتونخوا د پیښو پوښښ ورکوي، د دوشنبې په ورځ د قوس په ۱۳ مه اعلان وکړ چې افغان طالبانو د “لشکر ملاکنډ” غړي نیولي دي. لشکر ملاکنډ د ټي ټي پي سره تړلې یوه ډله ده چې د پاکستان په خیبر پښتونخوا ایالت کې له پوځ سره جنګیږي. د نیول شویو کسانو هویت او د توقیف دقیق ځای نه دی په ډاګه شوی. افغان طالبانو تر اوسه په دې اړه څه نه دي ویلي.