د هرات له زلزله ځپلو سره د اروپايي ټولنې د بشري مرستو یوه جوپه کابل ته راورسېده

د معمار پرس د خبر له مخې؛ په افغانستان کې د اروپايي ټولنې استازي تېره شپه (سه شنبه د عقرب ۳۰ مه) په یوه ټویټ کې اعلان وکړ چې اروپايي ټولنه په افغانستان کې له اړمنو خلکو سره مرستو ته دوام ورکوي. د اروپايي ټولنې د ملکي وګړو د ساتنې او بشري مرستو دفتر هم اعلان وکړ، چې کابل ته نوې الوتکه د هرات له زلزلې څخه د ژوندي پاتې شويو کسانو لپاره د ضروري وسايلو بار وړونکې وه. دغه دفتر زیاته کړې، چې په دې لېږد کې طبي وسایل، خیمې، کمپلې او ژمنۍ توکي شامل دي. اروپايي ټولنې تر دې مخکې هم د هرات زلزله ځپلو ته بشري مرستې استولې دي.