د کډوالو چارو وزارت تېره ورځ له پاکستان څخه د څه باندې شپږ زره کډوالو د راستنېدو اعلان وکړ

د معمار پرس د خبر له مخې؛ د طالبانو د کډوالو او راستنیدونکو چارو وزارت نن یکشنبه د عقرب ۲۱مه په خپله فیسبوک پاڼه لیکلي، چې پرون (شنبه، د عقرب ۲۰مه) له پاکستان څخه څه باندې شپږ زره افغان کډوال هېواد ته راستانه شول. د دغه وزارت د معلوماتو له مخې، د پاکستان له زندانونو څخه ۸۲ خوشي شوي بندیان هم هېواد ته راستانه شوي دي.