افغانستان د طلایی فرصتونو لرونکی ګاونډی دی

د معمار پرس د خبر له مخې؛ د ایران او افغانستان د سوداګرۍ د ګډې خونې مشر محمود سیادات له اقتصاد راډیو سره په مرکه کې وویل: ایراني اقتصادي فعالان باید له افغانستان سره پر اقتصادي راکړو ورکړو له سره غور وکړي او د توکو د صادرولو پر ځای دې هغه هېواد ته د تولید کرښه انتقال کړي. د هغه په ​​وينا، د طالبانو له واک ته رسېدو وروسته په افغانستان کې په ځانګړې توګه د اقتصاد په برخه کې پراخ بدلونونه راغلي دي او د نړیوالو اقتصادي ستونزو او د بهرنیو مرستو د بندیدو سره سره، د دې هیواد د اسعارو ارزښت مخ په ډیریدو دی.