د ایران د بهرنیو چارو وزارت ویاند: د افغان مهاجرینو مسله یو نړیوال مسوولیت دی

د ایران د اسلامي جمهوریت د بهرنیو چارو د وزارت ویاند ناصر کنعاني د دوشنبې په ورځ (د عقرب ۱۵مه) په یوه غونډه کښې وویل: د افغان کډوالو مسله له طالب چارواکو سره زموږ د خبرو تمرکز دی او په دې هېواد کې باید وضعیت داسې وي چې کډوال بېرته خپل هېواد ته ستانه شي. د پاکستان حکومت د افغان کډوالو د ایستلو پریکړه د ایران د بهرنیو چارو وزارت ویاند هم له پاکستانه د افغان کډوالو د ایستلو په اړه د دغه هیواد د حکومت د پرېکړې په اړه وویل: دا هغه مسله ده چې باید د پاکستان او افغانستان اړیکو ته په چوکاټ وکتل شي او د پاکستان حکومتي چارواکي باید په دې اړه څرګندونې وکړي.