د مهاجرینو لپاره د استوګنې ځاي د جوړولو او د ځمکې د ویش لړۍ روانه ده

د معمار پرس د خبر له مخې؛ د مهاجرینو او راستنیدونکو چارو وزارت سرپرست خلیل الرحمن حقاني ویلي چې اسلامي امارت په منظم ډول له پاکستان څخه راستنیدونکو سره مرسته کوي. حقاني ټینګار وکړ چې د راتلونکي پلان او د مهاجرینو لپاره د اړتیا وړ اسانتیاوو د ټاکلو، د استوګنځایونو د جوړولو او هغوی ته د ځمکو د ویش په برخه کې جدي کار روان دی. په همدې حال کې یو شمېر تازه راستانه شوي کډوال له رامنځته شویو اسانتیاوو راضي دي، خو ټینګار کوي چې د ژمي په را رسېدو سره دوی ته د سرپناه د برابرولو بیړنۍ اړتیا احساسېږي.