طالبانو د سرپل ښوونکو ته اخطار ورکړ چی د ږیرې پرې کول او لنګوټه نه تړل جرم دی

د معمار پرس د خبر له مخې؛ د طالبانو د هغه ليک له مخې چې د سرپل ولايت د پوهنې رياست له خوا د جمعې په ورځ د عقرب په ٥مه په رسنيو کې خپور شوى، ښيي چې طالبانو د پوهنې ریاست ۱۶۸ ښوونکو او کارکوونکو ته اخطار ورکړی او د ګوښه کولو ګواښ یې کړی دی. د دې خبرتیا دلیل د اوږدې ږیرې نه وده کول دي. په دغه مکتوب کې دغو کارکوونکو ته ویل شوي چې د “سر او مخ د څارنې” په لړ کې د دوی ږیرې لنډې ټاکل شوې دي او که اوږده ږیره ونه لري له دندې به ګوښه شي. په دې لیک کې د لنډې ږیرې درلودل او لنګوټه نه‌تړل جرم بلل شوی دی.