د ریښتر په کچه ۴.۳ درجې زلزلې د بدخشان ولایت ولړزاوه

د معمار پرس د خبر له مخې؛ د هند د زلزله پېژندنې مرکز اعلان کړی، چې نن (پنجشنبه، د عقرب ۴مه) د ریښتر په کچه د ۴،۳ درجې زلزلې د بدخشان ولایت او د افغانستان نورې سیمې ولړزولې. د هند د زلزلې مرکز اعلان کړی، چې دغه زلزله شپې په یوه بجه شوې ده. ددغې زلزلې مرکز دبدخشان ولايت مرکز فيض آباد ښار دى او دځمکې په ١٥٠ کيلومترۍ کې ژوروالى لري. تر اوسه د دغې زلزلې د زیانونو او تلفاتو په اړه کوم راپور نه دی خپور شوی.