ترکیه: د سیمې د امنیت د تامین لپاره باید یو خپلواک فلسطیني دولت جوړ شي

د معمار پرس د خبر له مخې؛ د ترکیې د بهرنیو چارو وزیر هاکان فیدان د «قاهره» د سولې په غونډه او د لبنان د بهرنیو چارو له وزیر عبدالله بوحبیب سره په ګډه خبري غونډه کې د یوه خپلواک فلسطیني دولت پر جوړولو ټینګار وکړ. هغه د غزې تړانګې ته د تاوتریخوالي د بندولو او د بشري مرستو د رسولو غوښتنه هم وکړه. فیدان له اسرائیلو وغوښتل چې پر ملکیانو بریدونه ودروي او نړیوال قوانین مراعات کړي. نوموړي دا هم وويل، چې وروستۍ جګړه د دايمي سولې لامل کېدای شي، خو بايد د سيمې هېوادونو ته يې د خپرېدو مخه ونيول شي.