ایران د بهرنیو اتباعو د تنظیم لپاره د یو سیسټم د جوړولو اعلان وکړ
د ایران د اسلامي جمهوریت د حکومت ویاند اعلان وکړ چې د بهرنیو اتباعو د تنظیم کولو لپاره یو سیسټم فعال شوی او هر قانوني مهاجر ته به د تنظیم لپاره یو شناخته کارت ورکړل شي.
د معمار پرس د خبر له مخې؛ د ایران د اسلامی جمهوریت د حکومت ویاند علی بهادری جهرمی په یوه خبری غونډه کې په افغانستان کې د زلزلې له امله د خواشینۍ څرګندولو پرمهال وویل: دغه هېواد ته ۲۳ مرستندویه ډلې او ۴۵۰ زره کسان ولېږل شول او د سرې میاشتې له ادارې مننه کوم او د بهرنیو اتباعو د تنظیم لپاره یې د یوه سیستم د جوړولو اعلان وکړ. جهرمی په ایران کې د افغان مهاجرینو شتون ته په اشارې سره وویل: له تیرو شلو کلونو راهیسې د افغانستان خلک له ستونزو سره لاس او ګریوان دي او په دې شلو کلونو کښې د ایران خلکو د افغان مهاجرینو هرکلی کړی دی. د افغان مهاجرینو دوه ډلې زمونږ هیواد ته داخلې شوې چې ځینې یې په قانوني توګه او ځینې یې په ناقانونه توګه هیواد ته داخل شوي دي.