د ایران د کورنیو چارو وزیر: د افغان کډوالو تنظیمول وخت نیسي او هر اړخیزې همکارۍ ته اړتیا لري

د معمار پرس د خبر له مخې؛ د ایران د کورنیو چارو وزیر احمد وحیدي له ایلنا خبري آژانس سره په مرکه کې د افغان مهاجرینو او د ایران د خلکو تر منځ د کړکېچ د رامنځ ته کولو د منظمو هڅو خبر ورکړ. د ایران د کورنیو چارو وزیر وویل: د افغان مهاجرینو تنظیم یو جدي کار دی چې د کورنیو چارو وزارت او ټولو اړوندو ادارو په اجنډا کې دی. خو د دغه پلان تطبیق وخت نیسي او هر اړخیزې همکارۍ ته اړتیا لري.