اردوغان: د فلسطیني دولت جوړول د فلسطین د مسئلې د حل لاره ده

د معمار پرس د خبر له مخې؛ د ترکیې ولسمشر رجب طیب اردوغان په استانبول کې د «مور افریم سوریان» د اورتودوکس کلیسا د پرانیستې په مراسمو کې وویل: د فلسطین مسله د سیمې د ستونزو ریښه ده او تر څو چې دا مسله په عادلانه توګه حل نه شي، په سیمه کې د سولې هیله به پوره نه شي. اردوغان زیاته کړه چې د فلسطین د مسئلې د حل لاره د یو خپلواک فلسطیني حکومت جوړول دي چی ختیځ بیت المقدس یې د پلازمینې په توګه وي. هغه دا هم وویل چې ترکیه هوډ لري چې په سیمه کې د سولې د راوستلو لپاره خپلې ډیپلوماټیکې هڅې ګړندۍ کړي.