افغان خبریالې زهرا جویا د ځوانو رهبرانو د نړیوال فورم د کال د غوره خبریالې جایزه وګټله.

د معمار پرس د خبر له مخې؛ د پنجشنبې په ورځ د میزان په دیارلسمه د شمالي ایرلنډ په بلفاسټ ښار کې د یوې غونډې په ترڅ کې د رخشانې د رسنیو مسوولې زهرا جویا د ځوانو رهبرانو د نړیوال فورم د کال د غوره خبریالې جایزه ترلاسه کړه. جویا د کوبا، بیلاروس، شمالي امریکا او فلسطین له څلورو نورو خبریالانو په منځ کي دا جایزه وګټله. په وروستیو کلونو کې جویا په افغانستان کې د ښځو او نجونو د وضعیت په اړه څو راپورونه چمتو کړي ده. هغه په ​​2022 کې د “ګیټ کیپرز” جایزه وګټله.