په سپین بولدک کې د طالبانو او پاکستانیانو ترمنځ نښته شوې

د معمار پرس د خبر له مخي؛ ځايي سرچينې وايي، په سپين بولدک کې د طالبانو او پاکستاني پوځيانو ترمنځ په نښته کې دوه تنه وژل شوي او درې نور ټپيان دي. د سرچينې د معلوماتو له مخې، دغه شخړه د چهارشنبې په مازديګر شاوخوا څلور بجې پيل او له څو دقيقو وروسته پاى ته ورسېده. عيني شاهدان وايي، د نښتې په ترڅ کې يو سړى او يو دولس کلن هلک د پاکستاني ځواکونو له خوا وژل شوي او درې نور ټپيان دي. طالبانو تر اوسه په دې اړه څه نه دي ویلي.