د افغانستان د وروستي پاچا د کشر زوی جنازه په کابل کې خاورو ته وسپارل شوه

د معمار پرس د خبر له مخې؛ د افغانستان د وروستي پاچا محمد ظاهر شاه د زوی میرویس ظاهر مړی د کابل په مرجان غونډۍ کې خاورو ته وسپارل شو. نوموړی د کورنۍ تر ټولو ځوان غړی و او پرون (جمعه) د ۶۶ کلونو په عمر په کابل کې وفات شو. میرویس په ۱۳۵۲ کال کې د محمد داوود خان په مشرۍ له کودتا وروسته افغانستان پرېښود او په ۱۳۸۱ هجري لمریز کال کې له خپل پلار سره هیواد ته راستون شو او له هغه وخت راهیسې په کابل کې اوسیده.