ایران له افغانستان سره د بشري مرستو د دوام غوښتنه وکړه

په ملګرو ملتو کښې د ایران د اسلامی جمهوریت دایمی استازی امیر سعید ایروانی پرون د ملګرو ملتو د امنیت شورا په غونډه کښې د افغانستان له خلکو سره د بشردوستانه مرستو د دوام غوښتنه وکړه. ايرواني په خپلو خبرو کې وويل: نړيواله ټولنه بايد د افغانستان له خلکو سره د بشري ناورين د مخنيوي په خاطر خپلو بشري مرستو ته دوام ورکړي. هغه زیاته کړه: “په افغانستان کې د بشري ناورین د حل لپاره باید پر دغه هېواد بندیزونه لیرې شي او نړیواله ټولنه باید د افغانستان د اقتصاد په بیارغونه کې مرسته وکړي.”