طالبانو له ترکمنستان سره د نوې ترانزیتي لارې د جوړولو اعلان وکړ

د معمار پرس د خبر له مخې؛ د طالبانو ویاند ذبیح الله مجاهد د شنبې په ورځ وویل چې دغه ډله د بادغیس ولایت په بالامرغاب ولسوالۍ کې له ترکمنستان سره نوې ترانزیتي لاره جوړوي. د طالبانو ویاند ویلي، چې دغه نوی بندر د افغانستان او ترکمنستان ترمنځ د سوداګرۍ او مالونو د لېږد رالېږد د اسانتیا په موخه جوړېږي. مجاهد وايي، د دغه پول د جوړېدو چارې پيل شوې او د جوړېدو لپاره يې شرکتونه ټاکل شوي دي.