امریکا: تراوسه د طالبانو د رسمیت پیژندلو لپاره کوم پلان نشته

د معمار پرس د خبر له مخې؛ د امریکا د ملي امنیت شورا ویاند جان کربي د سې شنبې په ورځ «سپتمبر ۱۹» په یوه خبري غونډه کې وویل چی اوس مهال له واشنګټن له خوا د طالبانو د رسمیت پېژندلو لپاره کوم پلان نشته. کربي وویل، طالبان په افغانستان کې د حکومتدارۍ او له ښځو او نجونو سره د چلند په اړه د خپلو ژمنو خلاف روان دي. هغه زیاته کړه، طالبان باید هغه مکلفیتونه چې نړیوالې ټولنې ته یې د حکومتدارۍ په برخه کې په ځانګړې توګه د ښځو په برخه کې ورکړي، پوره کړي.