د قطر لومړی وزیر: له طالبانو سره د نړیوالې ټولنې د اړیکو نشتوالی به په افغانستان کې خلا رامنځته کړي

د معمار پرس د خبر له مخې؛ د قطر لومړي وزیر شیخ محمد بن عبدالرحمن آل ثاني خبرداری ورکړی، چې له طالبانو سره د اړیکو نشتوالی به په افغانستان کې خلا او ګډوډي رامنځته کړي. د قطر لومړي وزیر دغه څرګندونې تېره جمعه په سینګاپور کې د ستراتیژیکو مطالعاتو لپاره د رفلز نړیوال انسټیټیوټ ته په خپله وینا کې وکړې.