کرزی: د ستونزو حل او په افغانستان کې د سولې او ثبات رامنځته کول د بین الافغاني خبرو سمدستي پیل دی

د افغانستان پخواني ولسمشر حامد کرزي د اسد د ۲۸مې په مناسبت په یوه وینا کې یو ځل بیا له سرپرست حکومت څخه وغوښتل چې د نجونو ښوونځي او پوهنتونونه پرانیزي، څو افغانستان په رښتینې مانا خپلواکي ترلاسه کړي. کرزي همدا راز د تلپاتې سولې لپاره د “بین الافغاني خبرو د ژر پیل” غوښتنه وکړه. کرزي له طالبانو وغوښتل چې ژر تر ژره د نجونو پر مخ د ښوونځیو او پوهنتونونو دروازې پرانیزي.