د افغانستان ژغورنې لپاره د مقاومت شورا: د خلیلزاد خبرې د افغانستان خلکو ته سپکاوی دی

د معمار پرس د خبر له مخې؛ د افغانستان د ژغورنې لپاره د ملي مقاومت شورا د زلمي خلیلزاد د مرکې په غبرګون کې د هغه خبرې د افغانستان خلکو او سیاسي ټولنې ته «توهین» بللي دي. دغې شورا ویلي چې خلیلزاد د «طالبانو د ویاند» په دریځ کې راڅرګند شوی دی. او د افغانستان د ژغورنې ملي شورا ویلي، چې زلمی خلیلزاد او یو شمېر نور کسان له طالبانو پاکوي. د دغې شورا په اعلاميه کې راغلي چې «جنايتکار طالبان» د افغانستان د سياسي انزوا او وروسته پاتې والي لامل شوي او دې ډلې ښځې له تعلیم او کار څخه بې برخې کړي دي او په اندراب، بلخاب او پنجشیر کې یې بندیان وژلې او خلک یې شکنجه کړی دی.