د امریکا یو شمېر وکیلانو له فیفا وغوښتل چې د افغان ښځینه فوټبال ملي لوبډله په رسمیت وپېژني

د معمار پرس د خبر له مخې؛ د امریکا یو شمېر وکیلانو د فوټبال له نړیوال فډریشن (فیفا) غوښتي چې د افغانستان د ښځینه فوټبال ملي لوبډله چې له افغانستانه بهر په جلاوطنۍ کې ده، په رسمیت وپېژني. په دې لیک کې دغو وکیلانو له فیفا څخه غوښتي چې د افغانستان د ښځو ټیم ته اجازه ورکړي چې د خپل هېواد د هغو ښځو استازیتوب وکړي چې د طالبانو تر واکمنۍ لاندې بندې دي. د دوی په وینا د فیفا دغه اقدام به د ټولې نړۍ نجونو او ښځو ته یو مهم پیغام واستوي.