د پاکستان ولسمشر د دغه هېواد د حکومت او پارلمان د منحلولو امر وکړ

د معمار پرس د خبر له مخې؛ د پاکستان ولسمشر عارف علوي د دغه هېواد حکومت او پارلمان منحل کړی، څو ټاکنو ته زمینه برابره کړي. د پاکستان د ولسمشر دفتر اعلان کړی چې د دغه هېواد د لومړي وزیر شهباز شریف په غوښتنه حکومت او پارلمان منحل شوي دي. د پاکستان د اساسي قانون له مخې باید د پارلمان له منحل کېدو وروسته په ۹۰ ورځو کې ټاکنې وشي. په ډیری احتمال، حکومت به دا وخت وځنډوي.