په دمشق کې د اسرائیلي ځواکونو په هوايي برید کې ۸ تنه وژل شوي او ټپیان شوي دي

د معمار پرس د خبر له مخې؛ په دمشق کې د اسرائیلو په هوايي برید کې د سوریې د پوځ څلور پوځیان وژل شوي او څلور نور ټپیان شوي دي. د اسراييلي ځواکونو نن سهار د سوريې په خاوره کې په بريدونو سره د دمشق ښار شاوخوا ځينې سيمې په نښه کړې. د سوریې رسمي خبري اژانس (سانا) د دغه هیواد د پوځ د یوې سرچینې په حواله راپور ورکړی چې د سوریې د دفاع توغندیو توانیدلي چې د دغو توغندیو یو شمیر شنډ کړي.