روح الله نیکپا د نیوزیلینډ د تکواندو ملي لوبډلې روزونکی شو

د معمار پرس د خبر له مخې؛ د افغانستان د تکواندو د ملي لوبډلې پخوانی لوبغاړی روح الله نیکپا د نیوزیلینډ د تکواندو ملي لوبډلې روزونکی شو. روح الله نیکپا اعلان وکړ چې په دې وروستیو کې د نیوزیلینډ تکواندو فدریشن لخوا د هیواد د تکواندو ملي لوبډلې د روزونکي په توګه ټاکل شوی دی. نیکپا د المپیک په لوبو کې د افغانستان په تاریخ کې تر ټولو ویاړلی لوبغاړی بلل کیږي. هغه د ٢٠٠٨ کال د بېجينګ په اولمپيک لوبو کې د افغانستان لپاره د اولمپيک په لوبو کې لومړی مډال وګاټه.