د ایران د بهرنیو چارو وزارت ویاند: د هیرمند د اوبو د حقونو په اړه له افغان لوري سره لومړنۍ هوکړې ته رسېدلي یو

د معمار پرس د خبر له مخې؛ د ایران د بهرنیو چارو د وزارت ویاند ناصر کناني د دوشنبې په ورځ د اسد په ۹مه په یوه خبري غونډه کې اعلان وکړ چی له افغانستان سره د ایران د اوبو حق په اړه لومړنۍ هوکړې ته رسېدلي یو. خو نوموړي د تړون په اړه نور جزئیات ورنه کړل. تېره میاشت د ایران د بهرنیو چارو د وزارت ویاند اعلان وکړ چې د افغانستان اوسنی حکومت د ایران د اوبو حق مني، خو د برابرولو په برخه کې یې خپل مسوولیت نه دی پوره کړی.