د مولوي مهدي او طالبانو د حکومت تر منځ د شخړې او جګړې لاملونه

د طالبانو د حکومت او د هغه د قومندانانو تر منځ سخت اختلافات رامنځ ته شوي دي او تر ټولو مهم قومندان چې د طالبانو له حکومت څخه منحرف شوی او جلا شوی، مولوي مهدي مجاهد دی چې د اسلامي امارت له مشرانو څخه تر ناهیلي کیدو وروسته خپل پلرني ټاټوبي بلخاب ته د شپي له خوا وتښتید. د طالبانو له تګلارې سره يې خپل مخالفت اعلان کړ، که څه هم د جګړې او وينې تويېدنې د مخنيوي هڅې روانې وې، خو دا هڅې بې نتيجې پاتې شوې او دواړه لوري له خپلو دريځونو څخه لاس نه واخیستل او بالاخره جګړه پيل شوه.

مولوي مهدي مجاهد په بامیانو کې د طالبانو د استخباراتو یوازینی پخوانی قومندان و، چې طالبانو هڅه کوله دغه قومندان له خپل پوځي واکه لرې کړي. طالبانو هم درې ځلې کابل ته د هغه د راوستلو په موخه یو پلاوی واستاوه او په وروستي وار کې د طالبانو لوړ پوړو چارواکو بلخاب ته ګډون کړی و، خو دې غونډې کومه نتیجه ورنه کړه او له هغه وروسته طالبانو بلخاب ته نظامي ځواکونه ولېږل. او دې ولسوالۍ ته غځېدلې لارې بندې کړې او له درېیو خواوو یې پر بلخاب بریدونه پیل کړل. په بلخاب کې په وروستیو څو ورځو کې جګړې زور اخیستی او دواړو لورو ته پکې مرګ ژوبله اوښتې ده، طالبانو هم د دې ډلې لوړپوړی پوځي چارواکی بلخاب ته د ځمکنیو ځواکونو، ځانمرګو بریدګرو او د مولوي مهدي پر پوستو د هوايي بریدونو له لارې استولی دی.

له بلې خوا مولوي مهدي د جګړې له پیل څخه مخکې اعلان وکړ چې هغه د شیعه ګانو او په ځانګړې توګه د هزاره جاتو برخلیک خپله سور کرښه ګڼي او په هیڅ صورت به له دې لارې څخه شا نه شي. له طالبانو څخه د هزاره جات د خلکو حقوق او ټولنیز عدالت غواړم او که مذاکرات نتیجه ورنکړي، زه له خپل ځانه دفاع کوم.
هغه د طالبانو رژیم د شیعه ګانو په له منځه وړلو تورن کړ او ویې ویل چې دغه حکومت د خالص اسلامي نظام په باره کې ادعا کوي، خو شیعه ګان یې له پامه غورځولي دي او د عاشورا پیښو ته په اشارې سره یې طالبانو ته وویل چې داسي کار ونکړي چي د افغانستان شیعه ګان په دوو لارو کېښودل شي.
د دې تر څنګ، محمد محقق هم طالبانو ته خبرداری ورکړی، چې د بلخاب جګړه به له هزاره ګانو سره د جګړې اعلان وګڼل شي او ټول هزاره ګان دې اغېزمن کړي او د بامیان، دایکندي او غزني په ولایتونو کې به شیعه ګان مقاومت وکړي او طالبان به له ستونزو سره مخامخ شي.

له بلې خوا طالبان نه غواړي چې دغه کاروان د خپل پخواني قومندان په وړاندي له لاسه ورکړي او بلخاب هم د طالبانو لپاره خورا مهم دی، ځکه دا ولسوالي له بېلابېلو اړخونو په ځانګړي ډول له اقتصادي، تاریخي، جغړافیایی، او ټولنیز له پلوه په یوه قوي مقاومت مرکز تبدیلولو ځاي بلل کېږي. بلخاب د طالبانو د واکمنۍ په لومړۍ دوره کې هم د دوی لپاره خورا مهم و، ځکه د طالبانو پر وړاندې د مجاهدینو له سترو مرکزونو څخه ګڼل کېده.

له همدې امله هغه څه چې د طالبانو د حکومت او مولوي مهدي او نورو طالب قومندانانو ترمنځ رامنځته شوي د واک پر سر سخت اختلافات ښيي چې ښايي اسلامي امارت یې دروند قیمت ادا کړي، همدارنګه پر بلخاب برید د طالبانو د تاجک او ازبک قوماندانانو لپاره، چې دا مهال د طالبانو په لیکو کې دي، د خطر زنګ وهلی او ښايي د طالبانو له لیکو څخه د مقاومت د جبهې په لور وخوځېږي. تر دې دمه د طالبانو یو شمېر ناراضه قوماندانان د مولوي مهدي له جبهې سره یوځای شوي دي. او دغه جبهه د هېواد په شمال کې د مقاومت په یوه نوي مرکز بدله شوې، چې د جګړې پایلې یې نامعلومې کړې دي.
له همدې امله له مولوي مهدي سره د طالبانو د حکومت جګړه په کورني او نړیوال ډګر کې د طالبانو لپاره ګرانه تمامه شوې ده، ځکه دا داخلي جګړه شمېرل کېږي او دا ښيي چې طالبان یوه توکمیزه ډله ده چې نور توکمونه یې نه مني.