د نجات د مقاومت شورا له ترکيې څخه د افغان مهاجرينو د اخراج د مخنيوي غوښتنه وکړه

د افغانستان د ژغورنې ملي مقاومت شورا د یوې اعلامیې په خپرولو سره ویلي دي چی افغان کډوال د طالبانو له لوري د شکنجې، ظلم او هدفي وژنو څخه د خلاصون په موخه نورو هېوادونو په ځانګړې توګه ترکیې ته پناه وړې ده. او که بېرته افغانستان ته واستول شي، نو د شکنجې، ځورونې او مرګ له خطر سره به مخ شي. دغې شورا د ترکیې له حکومت څخه وغوښتل چې د افغان کډوالو د ایستلو په برخه کې له نرمښت او زغم څخه کار واخلي.