جاپان د ۱۱۴ افغان اتباعو د پناه غوښتنه منلې ده

د جاپان حکومت اعلان کړی چې د هغو ۱۱۴ افغانانو د پناه غوښتنه یې منلې چې د طالبانو له واکمنۍ وروسته له افغانستانه وتلي دي. جاپاني چارواکو دا خبر د چهارشنبې په ورځ د سرطان په ۲۱ مه اعلان کړی دی. د دوی په خبره، دغه ۱۱۴ افغان کډوال په افغانستان کې د جاپان اړوندو ادارو د سیمه ییزو دفترونو کارکوونکي او د هغوی کورنۍ دي چې د ۲۰۲۱ کال په اګست میاشت کې جاپان ته رسېدلي دي. د راپورونو له مخې دغو مهاجرو پرون د جاپان د مهاجرت له دفتر څخه خپل د پناهندګۍ اسناد ترلاسه کړل.