د یوناما راپور: د افغانستان د حاکمیت پر مخالفینو د فشار دوام
په افغانستان کې د ملګرو ملتونو د مرستندویه پلاوي (یوناما) وروستی درې میاشتنی راپور ښيي چې طالبانو د عفوې له اعلان او باثباته امنیتي وضعیت سره سره د پخواني حکومت د ځواکونو او د هغوی د مخالفینو ځپلو ته دوام ورکوی او په افغانستان کې بشري حقونه نه دي بدل شوي.
د معمار پرس د خبر له مخې؛ یوناما نن پنجشنبه د سرطان په ۱۵مه د یوه راپور په خپرولو سره چې د فبرورۍ له لومړۍ نېټې څخه د مې تر ۲۰ مې نېټې پورې د افغانستان وضعیت انعکاس کوی، ویلي چې که څه هم د ۲۰۲۲ کال د ورته وخت په پرتله د طالبانو د مخالفو ځواکونو وسله وال بریدونه کم شوي دي، خو دغې ډلې د ملي مقاومت ځواکونو، د ازادۍ جبهې او د افغانستان د آزادۍ بخش غورځنګ په ګډون د خپلو مخالفو ځواکونو ځپلو ته دوام ورکړی دی. په دغه راپور کې ويل شوي دي چې ددغې ډلې ددفاع وزارت تر ادارې لاندې دوسله والو طالبانو دډلې ددولت دمخالفينو پرخلاف عملياتو ته دوام ورکوي او دهېواد په اتو ولايتونو کې دوسله والو طالبانو په وړاندې دپوځي ډلو بريدونه زيات شوي دي.