ایکسپریس ټریبیون د پاکستان او ټي ټي پي ترمنځ د خبرو د بیا پیلولو لپاره د افغان طالبانو د هڅو په اړه راپور ورکړی

د دغه راپور پر بنسټ، په دې وروستیو کې د قومي مشرانو یوه پلاوي د پاکستاني طالبانو له مشر نور ولي محسود سره وکتل. دا راپور زیاتوي، چې دا غونډه د هغو هڅو یوه برخه ده، چې د پاکستاني طالبانو او د پاکستان د حکومت تر منځ د خبرو د بیا پیلولو احتمال معلومول دي، خو رسمي سرچینو دا خبره نه ده تایید کړې.