تاریخ انتشار: 4 جوزا 1402 - 1 سال پیش
موضوع:‌ افغانستان
شماره: 4679

د ملګرو ملتونو د بشري حقونو کمیشنر: د افغانستان حکومت د ښځو او نجونو په له منځه وړلو سره د هېواد پرمختګ له منځه وړي

د بشري حقونو لپاره د ملګرو ملتونو عالي کمېشنرۍ وايي، د ښځو او نجونو پر وړاندې د افغان حکومت زورواکي د افغانستان د پرمختګ وړتیا له منځه وړي او هېواد یې د بې وزلۍ او ناامیدۍ په ژورو کې غورځوي.

د معمار پرس د خبر له مخې؛ د بشري حقونو لپاره د ملګرو ملتونو عالي کمېشنر ولکر ترک د چهارشنبې په ورځ (د جوزا ۳ مه) په جینوا کې په یوه خبري کنفرانس کې زیاته کړه طالبان هڅه کوي چې د افغانستان نیمایي نفوس له خپل ورځني ژوند څخه له منځه یوسي، او د جنسیتي توپیر دغه سیستم د هیواد د پرمختګ وړتیا ته زیان رسوي.