ترکیه په ناټو کې د فنلنډ او سویډن د غړیتوب سره موافقه

خبری سرچینو خبر ورکړی چې ترکیې د شمالی اروپا له دوو هیوادونو سویډن او فنلند سره موافقه کړې ده چې له ناټو سره یو ځای شی.

د معمار وحدت د خبری آژانس د راپور له مخې؛ د ترکیې، سویډن او فنلنډ چارواکو په دې وروستیو کې له ناټو سره د دوو شمالي هېوادونو د یوځای کېدو په اړه یو تفاهم لیک لاسلیک کړ.

یوې باخبرې سرچینې ویلي، “دا له ناټو سره د یوځای کېدو درې اړخیزه هوکړه ده.”

د اکاثیمریني روځ پاڼه له قوله ویل شوي: د فنلنډ ولسمشر ساولي نینیستو وویل چي د هسپانیا په پلازمېنه مادرید کې د ایتلاف د سرمشریزې په لومړۍ ورځ ترکیې موافقه وکړه چې په ناټو کې د فنلنډ او سویډن د ګډ غړیتوب ملاتړ وکړي.

نینسټو وویل، دا پرمختګ وروسته له هغه وشو چې درې واړو هیوادونو د یو بل د امنیتي ګواښونو په وړاندې د بشپړ ملاتړ پراخولو لپاره یو ګډ یادداشت لاسلیک کړ.

د سویډن د بهرنیو چارو وزیرې “ان لینده” له یوې سویډني ورځپاڼې سره په مرکه کې ویلي دي چې په مادرید کې د ناټو په نننۍ سرمشریزه کې ډیر پرمختګ شی. “موږ تمه لرو چې نن یو څه مثبت پیښ شي ، مګر دا ممکن ډیر وخت ونیسي”.

سویډن او فنلنډ د می په ۱۸ نیټه (چهارشنبه، د ثور ۲۸) له ناټو سره د یوځای کیدو غوښتنه وکړه. تمه وه چې دوی به په مادرید کې د سرمشریزې لپاره بلنه ترلاسه کړي، مګر ترکیې د الحاق پروسه بنده کړه. انقره د دغو هېوادونو څخه غواړي چې د کردانو يو شمېر ډلې د تروريستي سازمانونو په توګه په رسميت وپيژني او د تروريستي تورونو په تور ترکيې ته مطلوب کسان وسپاري.

سویډن او فنلنډ تیره میاشت رسماً د ناټو د غړیتوب لپاره خپل غوښتنلیک اعلان کړ. یوه مسله چې د دوی چارواکو د مسکو چارواکو له اخطارونو سره سره له اوکراین سره د روسیې له شخړې وروسته په اجنډا کې اچولې.