تاریخ انتشار: 21 حمل 1402 - 1 سال پیش
موضوع:‌ افغانستان
شماره: 3856

د ملګرو ملتونو سرمنشي: د دې ادارې د کار د پرمخ بیولو لپاره د ښځینه کارکوونکو شتون اړین دی

د ملګرو ملتونو سرمنشي یو ځل بیا د افغانستان په نړیوالو موسسو کې د ښځو له کار څخه دفاع وکړه او زیاته یې کړه چې د مرستندویه کارونو د ترسره کولو لپاره د ښځینه کارکوونکو شتون اړین دی.

د معمار پرس د خبر له مخې؛ د ملګرو ملتونو سرمنشي انتونیو ګوترش نن (یکشنبه، د حمل ۲۰مه) په یوه ټویټ کې وویل چې د بشري تصمیم نیولو په برخه کې ښځې او نجونې کمې استازیتوب کوي “خو کله چې دوی شامل شي، پایلې د ټولو لپاره پیاوړې وي”.