تاریخ انتشار: 8 حمل 1402 - 1 سال پیش
موضوع:
خبرونه
شماره: 3661
د امریکا د بهرنیو چارو وزارت: خلیلزاد د دغه هېواد د حکومت استازیتوب نه کوي
د امریکا د بهرنیو چارو وزارت مرستیال ویاند وايي، د افغانستان په چارو کې پخوانی استازی زلمی خلیلزاد د امریکا د حکومت په استازیتوب خبرې نه کوي.
د معمار پرس د خبر له مخې؛ د امریکا د بهرنیو چارو د وزارت د ویاند مرستیال ویدانت پټېل د سه شنبې په سهار په یوه خبري غونډه کې وویل چې ښاغلی زلمی خلیلزاد یو عادي تبعه دی او د هغه نظر د امریکا د بهرنیو چارو د وزارت د رسمي دریځ انعکاس نه کوي.