د هرات والي د ایران له سر قونسل سره وکتل

د دغه کتنې په پیل کې صدیقي فر مولانا نور احمد اسلام جار ته د روژې مبارکې میاشتې د مبارکۍ ترڅنګ د دواړو هېوادونو ترمنځ د اقتصادي اړیکو د پیاوړتیا غوښتنه وکړه.

ورته مهال مولانا نور احمد اسلام جار  وویل، چې هر هغه اقدام چې د دواړو هېوادونو په ګټه وي اسلامي امارت یې ملاتړ کوي.

نوموړي دغه راز د هرات – خواف اوسپنې پټلۍ چارو د ګرندي کولو او د دواړو هېوادونو ترمنځ د اقتصادي اړیکو پیاوړي کول یو مثبت ګام وباله.