د اطلاعاتو او کلتور وزارت د ځوانانو چارو مرستیال نورستان ته سفر وکړ

په دغه کتنه کې د نورستان د اطلاعاتو او کلتور رئیس مولوي سمیع الحق حق بیان له قاري محمد یونس راشد سره په بېلابېلو برخو کې د نورستاني ځوانانو شته ستونزې شریکې کړې او د حل غوښتنه یې وکړه.

ورته مهال قاري محمد یونس راشد وویل، چې په دغه ولایت کې به د ځوانانو پر وړاندې پرتې ستونزې له منځه یوسي او د ځوانانو لپاره به د ښوونې، روغتیا، سپورټ، فکري رغونې، ظرفیت لوړونې او کار زمینې برابرولو برخه کې اړينې آسانتياوې برابرې کړي.

په دې کتنه کې دغه راز د نورستاني ځوانانو د ستونزو د حل پر لارو چارو او په شته فرصتونو هم هر اړخیزې خبرې وشوې