تاریخ انتشار: 23 دلو 1401 - 2 سال پیش
موضوع:‌ افغانستان
شماره: 3012

دوستم: ازبکستان او تاجکستان دې د مقاومت ځواکونو ته د پخواني پوځ چورلکې ورکړي

د افغانستان د ملي حرکت ګوند مشر مارشال عبدالرشید دوستم وايي، ازبکستان او تاجکستان باید د افغانستان د پخواني حکومت چورلکې د مقاومت ځواکونو ته ورکړي، څو دغه چورلکې په ولایتونو کې د مقاومت د ځواکونو له خوا وکارول شي.

د معمار پرس د خبر له مخې؛ عبدالرشید دوستم د سې شنبې په ورځ د دلو په ۲۲مه په اندراب کې د ملي مقاومت د جبهې د قومندان خیر محمد خیرخواه د وژل کېدو په مناسبت جوړې شوې غونډې ته په وینا کې وویل چې د تېر حکومت د پوځ څه باندې ۴۰ چورلکې ازبکستان او تاجکستان ته لېږدول شوي دي.