د بهرنیو چارو وزارت: ازبکستان د ۲۵۰ میګاواټه برېښنا د نښلولو ډاډ راکړی

د بهرنيو چارو وزارت د وياند مرستيال حافظ ضياء احمد په خپله ټویټر پاڼه لیکلي، چې نن د ازبکستان د بهرنیو چارو وزیر عبدالعزیز کاملوف د افغانستان اسلامي امارت د بهرنیو چارو وزارت سرپرست مولوي امیر خان متقي ته ډاډ ورکړ، چې د برېښنا د تولید په برخه کې یو لړ تخنیکي ستونزې حل شوې او د دغه هېواد د برېښنا وزارت تیاری نیولی، څو په راتلونکو ۲۴ ساعتونو کې افغانستان ته ۲۵۰ مېګاواټه برېښنا وصل کړي.