د سالنګ لویه لاره د ټولو موټرو پر مخ خلاصه ده

د سالنګونو د ساتنې او څارنې رييس حافظ محمد يعقوب ، چې اوسمهال په سالنګ کې هوا ورېځ ده او په راتلوونکو څو ساعتونو کې د واورو د اورښت او په لويه لاره کې د سړې څپې چې منفي ٣٠ سانتي ګراد ته رسېږي د ۳ ورځو لپاره اټکل کېږي.

هغه زياته کړه، چې د شپې په اوږدو کې د دغه ادارې مسوولين د ترافيکو په ګډون د اسانتياوو په برابرولو او خوندي تګ راتګ بوخت و، څو بار وړونکي موټرونه په عادي ډول تېر شي.

د سالنګونو رييس وویل، چې په تېرو ٢٤ ساعتو کې بار وړونکي وسايط چې ټېلر په کې هم شامل دي له جنوب څخه شمال ته حرکت کوي او په راتلوونکو څو شېبو کې به بار وړونکي موټر له شمال څخه جنوب ته او دوه طرفه مسافر وړونکي موټرو ته به د ځنځیر (چین) سره د تګ اجازه ورکړل شي.