د اطلاعاتو او فرهنګ وزارت سرپرست د کاپیسا ولایت د اطلاعاتو او فرهنګ ریاست له رئیس سره وکتل
د اطلاعاتو او فرهنګ سرپرست ملا خیرالله خیرخواه په خپل کاري دفتر کې د کاپیسا ولایت د اطلاعاتو او فرهنګ له رئیس مولوي کریم الله وثیق سره وکتل.
د معمار آژانس د خبر له مخې؛ مولوي کریم الله وثیق له سپرست وزیر ملا خیرالله خیرخواه سره خپلې لاسته راوړنې، پرمختګونه، نوښتونه او شته ستونزې شریکې کړې او د همکارۍ غوښتنه یې وکړه.
په دغه کتنه کې ملاخیرالله خیرخواه نوموړي ته تر ښه راغلاست وروسته د دوی کارونه او هڅې وستایلې او د کارونو د لا ښه بهبود لپاره یې لازمې مشورې او سپارښتنې ورته وکړې، همدا راز یې د دوی ستونزې،غوښتنې او وړاندیزونه واورېدل او ډاډ یې ورکړ، چې وړاندیزونو او ستونزو ته به یې جدي رسېدنه وشي.
د یادونې وړ ده، چې وړمه ورځ د اطلاعاتو او فرهنګ وزارت سرپرست ملا خیرالله خیرخواه په خپل کاري دفتر کې د کندهار د اطلاعاتو او فرهنګ له رئیس مولوي نور احمد سعيد سره کتلي و.