د ملي دفاع وزارت سرپرست د نوښت مرکز له لوري د موټر جوړول وستایل او هغوی ته يې د هرډول همکاریو ډاډ ورکړ

مجاهد د یاد مرکز له لوري د تېز رفتاره موټر جوړول وستایل او هغه يې د هېواد د ځان بسیاینې او پرمختګ لپاره مهم ګام وباله.

د ملي دفاع وزارت سرپرست د یاد موټر د لیدنې پرمهال د تخنيکي او مسلکي زده کړو انستیتیوت مسوولینو ته د هر ډول همکاریو ډاډ ورکړ او د دغه موټر جوړونکي يې په نغدي ډالیو ونازول.

د یادونې وړ ده، چې د تخنيکي او مسلکي زده کړو انستیتیوت د نوښت مرکز د لومړي ځل لپاره یو تېز رفتار موټر جوړ او په بریالۍ توګه نندارې ته وړاندې کړ.