تاریخ انتشار: 5 جدی 1401 - 2 سال پیش
موضوع:‌ افغانستان
شماره: 1835

د ښځو د کار منع کول؛ په افغانستان کې د ژغورنې نړیوالې کمېټې درې زره ښځینه کارکوونکو خپلې دندې له لاسه ورکړي دي

په ادارو کې د ښځو د کار کولو د منع کولو لپاره د طالبانو د نوي فرمان له صادرولو وروسته، د ژغورنې نړیوالې کمیټې اعلان وکړ چې په افغانستان کې یې په زرګونو کارکوونکو خپلې دندې له لاسه ورکړي دي.

د معمار د خبر له مخې؛ د ژغورنې نړیوالې کمېټې په یوه راپور کې چې د یکشنبې په ورځ د جدي په ۴مه خپور شو، ویلي چې دا اداره د افغانستان په ۱۲ ولایتونو کې ۸ زره کارکوونکي لري چې له دې ډلې یې ۳ زره یې ښځې دي.