طالبان: د افغانستان په اړه د ملګرو ملتونو د عمومي منشي راپور حقیقت نه لري

د معمار پرس خبر له مخې؛ طالب چارواکي د دغه راپور په ردولو سره وايي، چې په افغانستان کې د بشري حقونو د سرغړونو هېڅ پېښې نشته. د ملګرو ملتونو سرمنشي انتونیو ګوتریش د افغانستان د وضعیت او د نړۍ پر سولې او امنیت یې د اغیزو په اړه خپل نوی راپور خپور کړ. خو طالبان بیا دغه راپور له حقیقته لرې بولي او وايي چې په افغانستان کې د بشري حقونو د سرغړونو کومه قضیه نه ده ثبت شوې.