د پاکستاني طالبانو مشر: د افغان طالبانو مرستې ته اړتیا نه لرو، په هغو وسلو سره چې لرو لسیزې جګړه کولای شو

د معمار پرس د خبر له مخې؛ د پاکستان تحریک طالبان مشر نور ولي محسود له CNN سره په مرکه کې ویلي: دا ډله په پاکستان کې دننه د حکومت پر ضد جنګیږي او په پاکستان کې شته روحیه او وسلې سره لري کولای شي څو لسیزې جګړې ته دوام ورکړي. اسلام اباد ادعا کړې، چې د دغه هېواد پر ملکي وګړو بریدونه د افغانستان په خاوره کې پلان شوي او افغان طالبانو د پاکستان تحریک طالبانو ته د دغه هېواد په خاوره کې پناه ورکړې ده. د امریکا متحدو ایالتونو د دغې ډلې یو شمېر مشران په خپل تروریستي تور لېست کې شامل کړي او له ۲۰۱۰ کال راهیسې یې فعالیتونه تعقیبوي.